Sluttrapport, IKT-system «Busetnadssoge»
Dato: 6.3.2003
Av Arnfinn Kjelland og Ole Martin Sørumgård
2 Revidert delprosjekt-inndeling
3 Arbeidet i perioden 1.4.2002 –
1.3.2003
3.1 Delpr. 0. Generell innføring, systemverktøy
Delphi, prosjektleiing
3.2 Delpr. 1. Systembeskriving, modellering og
dokumentasjon
3.4 Delpr. 3. Design, programmering og testing av
utskrifter og rapporter
3.5 Delpr. 4a. Design, programmering og testing
av diverse registeringsmodular for kjeldedata
3.6 Delpr. 4b. Konvertering og testing, import av
reelle data, Volda- og Sula-prosjekta
3.7 Delpr. 5a. Utarbeiding av hjelpetekstar og
dokumentasjon
3.8 Delpr. 5b. Skriving av brukarrettleiingar
Vi viser generelt til rapporten etter forprosjektet datert 30.11.2000 med vedlegg «Generell beskriving av datasystem som verktøy ved utarbeiding av busetnadssoger» av same dato og rapport etter 1. fase dat. 29.4.2002.
Arbeidet i perioden 1.4.2002 – 1.3.2003 har vore organisert slik: Ole Martin Sørumgård har arbeidd heil tid (og vel så det). Ola Tovmos engasjement i 50 % stilling gjekk fram til 1. august 2002 da han gjekk attende til stilling i v.g. skule og drift av Dovre Data Arkiv. Arnfinn Kjelland har berre sporadisk blitt informert om framdrifta i arbeidet, og hatt nokre få møte.
Systemutviklinga er no kome til det stadiet at import av kjeldedata for Sula-soga og Busetnadssoga for Volda er i gang. Modulen for registrering av bustader vart teke i bruk i Volda-prosjektet hausten 2002 og er no tilnærma komplett for det prosjektet ved at medarbeidaren har oppretta 3.233 eldre og nyare (eksisterande) stadeiningar (bustadar) på grunnlag av innsamla kjeldematerialet.
Medarbeidaren for Volda-prosjektet var til stades og fekk intensiv opplæring i import av kjeldedata, normalisering av namneobjekt og lenkeprosedyrar på kontoret Snøhetta i veke 9, 2003. Fullskala import av kjeldedata er i gang for dette prosjektet, og startar for Sula-prosjektet i løpet av ca 14 dagar.
I rapporten etter fase 1 kom vi fram til at følgjande delprosjektorganisering kunne vere brukande:
|
0) |
Generell teori om systemutvikling (t.d. database- og modelleringsteori, objektorientert programmering), opplæring i bruk av programmeringsverktøyet Delphi v. 5, generell prosjektleiing |
|
1) |
Systembeskriving og modellering |
|
2) |
Design, programmering og testing av a) stader, namn og tidspunkt, b) personar, relasjonar og persongrupper, c) hendingar, kjelder, normalisering og konvertering og d) søking, lenking og kopling |
|
3) |
Design, programmering og testing av utskrifter og rapporter. |
|
4) |
a) Design, programmering og testing av diverse registeringsmodular for kjeldedata, b) konvertering og testing, import av reelle data, Volda- og Sula-prosjekta |
|
5a) |
Utarbeiding av hjelpetekstar, dokumentasjon |
|
(5b) |
Skriving av brukarrettleiingar |
|
(6) |
Vidareutvikling av funksjonalitet og hjelpeverktøy |
|
(7) |
Vidareutviking, nye modular for analyse, import/eksport av data i forskjellige format (www etc.) |
Det er ikkje ført detaljerte timelister på dette delprosjektet i perioden for andre enn prosjektleiar, som har ca det halve. Timetalet for dei andre prosjktmedarbeidarane er stipulerte. For Sørumgård er nokre få timar nok innbakt i punkta 2a–4b, men er uråd å skilja ut som eigne postar.
Sørumgård har heller ikkje her ført spesifiserte timar. Det er nytta nokre få timar til revisjon/oppdatering av modellen, men desse er det ikkje råd å skilja ut frå sjølve programmeringsarbeidet.
Det er ført 25 timar på 2a, i mangel av eit meir «passande» delprosjekt. Dette gjeld utvikling av ein eigen memo-klasse (store tekstfelt). Funksjonen dekkjer eigentleg alle dei ulike delane under punkt 2.
Programmering av delane hendingar, kjelder og normalisering utgjer den største delen av arbeidet. Funksjonaliteten er utvikla så langt at konkreke prosjekt kan setjast i gang, men det står att ein del hjelpeverktøy og delrutinar som vil bli vidareutvikla parallelt med Volda- og Sulaprosjekta. Dette gjeld t.d. normering av aldersopplysningar knytt til personar i kjeldene.
Vidare er det brukt ein god del timar på utvikling av funksjonelle søkerutinar. Dei som er implementert pr i dag skal dekkje dei fleste behov som oppstår ved arbeid med eit konkret prosjekt. Det er likevel ein del meir «sofistikerte» men ikkje absolutt nødvendige funksjonar som skal på plass. Det er naturleg at desse blir utvikla vidare parallelt med Volda- og Sula-prosjekta.
Delprosjekt 2d, lenking og kopling, må elles sjåast i samanheng med 2b, personar og relasjonar. Interaksjonen mellom desse delane er kompleks og noko av det mest sentrale i heile programmet. Det står att ein del rutinar t.d. for validering av data knytt til oppretta personar i høve til opplysningar i kjeldematerialet, som kontroll av fødselstidspunkt i høve til alder på barn, kjønn i høve til type relasjon (familie) osv. Desse funksjonane er ikkje strengt nødvendige for å kunne gjennomføre eit konkret prosjekt, men vil lette arbeidet med å drive manuelle etterprøvingar av resultatet for brukaren. Dei vil bli vidareutvikla etter same mønster som nemnt over.
Dette delprosjektet kjem vi attende til i løpet av inneverande år, jfr. førre rapport.
På dette delprosjektet har Ola Tovmo gjort tilnærma ferdig den nye modulen FotoReg etter same modell som LittReg (for generell littertur og tilfeldige kjelder), jfr. førre rapport. FotoReg-modulen er teke i fullskala bruk i Voldaprosjektet, og det er lagt inn ca 700 innsamla bilete frå ein del av bygda (Dalsfjorden) med informasjon om stader, emne og personar. Databasen skal i løpet av 2003 importerast inn i hovudsystemet og personinformasjonen lenkast. Timetalet ligg på i underkant av 200, og var hovudarbeidet til Tovmo fram til han gjekk ut av prosjektgruppa. Han har likevel følgt opp og gjort nokre mindre tilpassingar (m.a. utvikla utskriftsrutine for FotoReg) også etter han slutta. Vidaerutvikling vil skje etter behov og som ein del av ein avtalt samarbeidsprosess med Dovre Data Arkiv.
Det er gjennomført konvertering og importering av ein del eldre kjeldemateriale for Lesja/Dovre, fyrst og fremst fordi desse kjeldene var klargjort på førehand og tilgjengelege under arbeidet med programmering/testing. Tilsvarande har arbeidet med konvertering og import av kjeldmaterialet for Volda altså starta opp for fullt, og Sula kjem snart i gang. Det er ført til saman 84 timar på dette delprosjektet, som ein del av testarbeidet knytt til dei ulike funksjonane. Sjølve importeringa og tilrettelegginga av materialet blir dekt av brukarane (Volda/Sula). Vi reknar med dette kan vere gjort på dei ca 200 timane som det vart kalkulert med i førre rapport.
Det står elles att utvikling av ein betre modul for importering av kjeldematerialet, som er meir innretta mot den kompetansen ein kan forvente framtidige brukarar sit inne med. Men dette vil medføre ein stor grad av kompleksitet som vi ikkje har full oversikt over pr i dag. Denne funksjonen vil derfor bli gjennomført som ei vidareutvikling av programmet, jfr. delprosjekt 6. Inntil vidare vil Snøhetta forlag tilby å utføre slik importering på grunnlag av allereie eksisterande kjeldemateriale.
Korleis vi lagar teknisk dokumentasjon av systemet er det gjort greie for i rapport dat. 29.4.2002 pkt 3.2. Det er ikkje arbeidd spesifikt med dette delprosjektet utover dei metodane som er nemnt der. Programmet er i stor grad bygd opp med sjølvforklarande skjermbilete. I tillegg blir det ført enkle lister over funksjonalitet, menyar og kommandoar, som kan nyttast i dei enkelte modulane. Det er ikkje spesifisert timar direkte på delprosjektet, men ein del timar ligg inne i punkta 2a–2d.
Jfr. førre pukt. Prosjektleiar har fått innvilga s.k. vikarstipend ved Høgskulen i Volda for delvis skriving av slike rettleiingar i kombinasjon med utvikling av vitskaplege problemstillingar for analyse av denne typen historiske data for haustsemesteret 2003. Han fekk ikkje prosjektstipend frå Norsk faglitterær forfatterforening for utvikling av brukarrettleiingane til ei meir generell lære-/handbok i korleis planlegge og gjennomføre denne typen prosjekt. Det er likevel lagt opp til at Kjelland vil ha første versjon av brukarrettleiingar klar i løpet av 1. halvår 2003. Dette arbeidet i alle fall definert utanfor dette hovudprosjektet.
Vedlagt ligg prosjektbudsjett og oversyn over arbeidstidsforbruk for hovudprosjektet. Oversynet er supplert med timeforbruket for rapportperioden, slik at avvik i høve til revisjonen i fjor kjem fram. Vi ser det har vore eit overforbruk på delprosjekta 2c, 2d og 4a, medan dei andre har timar til gode. Totalt sett står det altså att 91 timar i høve til det vi rekna med i 2002, noko vi reknar med vil halde for å oppnå det definerte målet: få systemet klart til fullføring av Sula- og Volda-prosjekta (Snøhetta forlag tek i alle høve evt. ekstrakostnader her). Dette vil altså skje i løpet av mars 2003, og vi finn det derfor forsvarleg å sende dette som sluttrapport no.
Utviklingsarbeidet vil sjølvsagt halde fram parallellt med det praktiske arbeidet med Volda- og Sula-prosjekta, og eit møte med referansegruppa er planlagt medio juni 2003. Det blir lagt opp til at Snøhetta forlag driv vedlikehald og oppdateringar fortløpande. Det blir teke sikte på å tilby systemet for kurs og sal til aktuelle bygdebokprosjekt frå juni 2003.
Dei av bidragsytarane til prosjektet som ønskjer det vil få demonstrasjonsversjonen av systemet og evt. den tekniske dokumentasjonen så snart desse er klare (i løpet av første halvår). Ta i tilfelle
1. Kostnadsoversyn og oversyn over arbeidstidsforbruk.